ალოფერი სიროფი 130გრ
კომბინირებული სამკურნალო საშუალება
ალოფერის სიროფი
SIRUPUS ALOFERI
გამოყენების ინსტრუქცია
წამლის ფორმა: სიროფი.
შემადგენლობა:
რკინის (II) სულფატი – 0,962გ რკინის შემცველობით;
განზავებული ქლორწყალბადმჟავა – 1,95გ;
ასკორბინის მჟავა – 0,52გ;
ალოეს წვენის სიროფი – 130გ-მდე;
(1 მლ სიროფი შეიცავს 9,62მგ რკინას);
ალოეს წვენი შეიცავს ბიოლოგიურად აქტიურ ნივთიერებათა კომპლექსს: ანტრაცენწარმოებულებს (ალოე-ემოდინი, ალოინი, ალოინოზიდი), მწარე გლიკოზიდებს, ვიტამინებს, ფერმენტებს, ორგანულ მჟავებს, პოლისაქარიდებს.
ფარმაკოლოგიური მოქმედება:
რკინის (II) სულფატი:
· რკინა არის ჰემის სტრუქტურული ელემენტი;
· აუცილებელია ჰემოგლობინის სინთეზისათვის;
· შედის მიოგლობინის, რიგი ფერმენტების შემადგენლობაში;
· დეპონირდება ორგანიზმში.
ასკორბინის მჟავა:
· განაპირობებს სამვალენტიანი რკინის ორვალენტიან იონურ რკინად აღდგენას;
· აუმჯობესებს საკვებიდან რკინის შეწოვას;
· არეგულირებს კაპილარების განვლადობას;
· უზრუნველყოფს კოლაგენის და პროკოლაგენის სინთეზს;
· მნიშვნელოვან როლს თამაშობს ჟანგვა-აღდგენით პროცესებში;
ალოეს წვენის სიროფი:
· აქვს ბაქტერიციდული, ანტივირუსული, ანთების საწინააღმდეგო მოქმედება;
· შეიცავს ბიოგენურ სტიმულატორებს;
· აძლიერებს ორგანიზმის წინააღმდეგობის უნარს ინფექციური დაავადებების მიმართ;
· აძლიერებს კანის და ლორწოვანი გარსების რეგენერაციულ პროცესებს;
ქლორწყალბადმჟავა :
· აუმჯობესებს საჭმლის მომნელებელი ტრაქტიდან რკინის შეწოვას.
ჩვენება:გამოიყენება კომპლექსურ თერაპიაში, როგორც დამხმარე საშუალება.
· სხვადასხვა ეთიოლოგიის რკინადეფიციტური (ჰიპოქრომული) ანემიები;
· გაზრდილი მოთხოვნილება რკინაზე (პრე- და პუბერტატული ასაკი, ლაქტაციის პერიოდი);
· რკინის და ვიტამინების ალიმენტური დეფიციტი.
უკუჩვენება:
· სხვა ეთიოლოგიის ანემიები;
· ჰემოსიდეროზი, ჰემოქრომატოზი;
· კრონის დაავადება, წყლულოვანი ენტეროკოლიტი;
· ღვიძლის ციროზი, ქრონიკული პანკრეატიტი;
· დიფუზური გლომერულონეფრიტი;
· ორსულობა.
· შაქრიანი დიაბეტი.
გვერდითი მოვლენები:
ანორექსია, გულისრევა, ფაღარათი, ტაქიკარდია, გამონაყარი კანზე. მკურნალობის პერიოდში საჭიროა არტერიული წნევის კონტროლი. იმ გვერდითი ეფექტების გამოვლენის შემთხვევაში, რომლებიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს ან ფარმაცევტს.
მიღების წესი და დოზირება:
პერორალურად.
მოზრდილებში და ბავშვებში 14 წლის ზემოთ: 1 _ 2 ჩაის კოვზი სიროფი გახსნილი 50მლ წყალში 3-ჯერ დღეში საკვების მიღების შემდეგ. ბავშვებში 3 წლამდე: პრეპარატის დოზირება განისაზღვრება ინდივიდუალურად სხეულის წონის გათვალისწინებით. იხ. ცხრილი;
ალოფერის სიროფის სადღეღამისო დოზები ბავშვის წონის მიხედვით:
| ბავშვის წონა კგ-ში | 3-4კგ | 5-6კგ | 7-8კგ | 9-10კგ | 11-12კგ | 13-14კგ | 15-16კგ |
| სადღეღამისო დოზა მლ_ში | 0,5-0,6მლ | 0,7-0,9მლ | 1,0-1,2მლ | 1,3-1,7მლ | 1,8-2,0მლ | 2,1-2,2მლ | 2,3-2,5მლ |
| სადღეღამისო დოზა წვეთებში | 15-18წვთ | 21-27წვთ | 30-36წვთ | 39-51წვთ | 54-60წვთ | 63-66წვთ | 69-75წვთ |
სიროფის დოზა გადანაწილდება 2-3 მიღებაზე.
ბავშვებში 3 წლიდან 6 წლამდე: ნახევარი ჩაის კოვზი სიროფი გახსნილი 30მლ წყალში 2-3-ჯერ დღეში საკვების მიღების შემდეგ;
ბავშვებში 6 წლიდან 14 წლამდე: 1 ჩაის კოვზი სიროფი გახსნილი 30მლ წყალში 2-3-ჯერ დღეში საკვების მიღების შემდეგ;
მკურნალობის კურსის ხანგრძლივობაა 8-12 კვირა.
პრეპარატის გამოყენების წინ აუცილებლად შეანჯღრიეთ ფლაკონი!
პრეპარატის მიღების შემდეგ რეკომენდირებულია 200მლ-მდე წყლის მიყოლება.
დოზის გამოტოვება: დოზის გამოტოვების შემთხვევაში არ შეიძლება გაორმაგებული დოზის მიღება. შემდგომი დოზის მიღება უნდა მოხდეს პირვანდელი სქემის მიხედვით.
ორსულობისა და ლაქტაციის პერიოდი: ორგანიზმში რკინის დეფიციტის დადგენისას ალოფერის სიროფი ინიშნება ფეხმძიმობისა და ლაქტაციის პერიოდში.
ურთიერთქმედება სხვა სამკურნალო საშუალებებთან ან სხვა სახის ურთიერთქმედება: თიაზიდურ დიურეტიკებთან, ძირტკბილას პრეპარატებთან და კორტიკოსტეროიდებთან კომბინირებული მიღებისას იზრდება კალიუმის დეფიციტის განვითარების რისკი.
უნდა ვერიდოთ ტეტრაციკლინის ჯგუფის ანტიბიოტიკებთან, პენიცილინამინებთან, ანტაციდურ პრეპარტებთან დანიშვნას, რადგან მცირდება რკინის შეწოვის პროცესი.
ზემოქმედება ავტომობილის მძღოლებზე და პოტენციურად საშიშ მანქანა-დანადგარებთან მომუშავე პერსონალზე: პრეპარატის მიღება არ ახდენს ზემოქმედებას ყურადღების კონცენტრირებასა და მექანიზმების მართვის უნარზე.
განსაკუთრებული მითითებები: პრეპარატის მიღების შემდეგ რეკომენდირებულია 200მლ-მდე წყლის მიყოლება.
სიფრთხილე: პრეპარატის ხანგრძლივი დროით გამოყენებამ შესაძლებელია გამოიწვიოს ორგანიზმის კალიუმით გაღარიბება და საგულე გლიკოზიდების, ანტიარითმიული პრეპარატების მოქმედების გაძლიერება.
დოზის გადაჭარბება: პრეპარატის დოზის გადაჭარბების სიმპტომებია: სისუსტე, დაღლილობის შეგრძნება, პარესთეზია, სიფერმკრთალე, წნევის დაქვეითება, ტკივილი მუცლის არეში, გონების დაბინდვა, დიარეა სისხლის მინარევით, ღებინება, ციანოზი.
მკურნალობა: კუჭის ამორეცხვა, რძის, უმი კვერცხის მიღება. სპეციფიკური მკურნალობისთვის ინიშნება დეფეროქსამინი პერორალურად და პარენტერალურად. მწვავე მოწამვლისას, როცა ჯერ კიდევ არ არის რკინა ადსორბირებული კუჭ-ნაწლავის ტრაქტიდან, ინიშნება 5-10გ დეფეროქსამინი (10-20 ამპულის შიგთავსს ხსნიან წყალში). ხოლო ადსორბირებული რკინის შესაბოჭად დეფეროქსამინი შეჰყავთ კუნთში ნელა, ბავშვებში – 15მგ/სთ-ში, მოზრდილებში – 5მგ/კგ/სთ (80მგ-მდე/კგ/დღე-ღამეში). მსუბუქი მოწამვლისას – ბავშვებში კუნთში შეჰყავთ 1გ ყოველ 4-6 სთ-ში, მოზარდებში – 50მგ/კგ (4გ-მდე/დღე-ღამეში).
გამოშვების ფორმა:
პირველადი შეფუთვა: 130გ სიროფი მუქი შეფერილობის მინის ან პოლიმერული მასალის ფლაკონში. მეორეული შეფუთვა: ფლაკონი მოთავსებულია მუყაოს კოლოფში ინსტრუქციასთან ერთად.
ვარგისიანობის ვადა: 2 წელი.
შენახვა: ინახება 18-25˚C ტემპერატურის პირობებში, სინათლისაგან დაცულ ადგილზე.
ვარგისობის ვადის ამოწურვის შემდეგ პრეპარატის გამოყენება დაუშვებელია.
გაცემის წესი: ფარმაცევტული პროდუქტის ჯგუფი III – გაიცემა ექიმის რეცეპტის გარეშე.
მწარმოებელი: შ.პ.ს „ნეოფარმი”.
საქართველო. თბილისი. დ. აღმაშენებლის ხეივანი მე-12 კმ;
ტელ/ფაქსი: + 995 (032) 259-64-46; 259-57-90;