სამკურნალო საშუალება
ნეოფენი
NEOFEN
გამოყენების ინსტრუქცია

წამლის ფორმა: შემოგარსული ტაბლეტები.
ტაბლეტის შემადგენლობა:
აქტიური სუბსტანცია: იბუპროფენი – 0,2გ;
დამხმარე ნივთიერებები: ასკორბინის მჟავა, სახამებელი, კალციუმის ან მაგნიუმის სტეარატი, ტალკი, მაგნიუმის კარბონატი, პოლივინილპიროლიდონი, საქაროზა, აეროსილი, ტიტანის ორჟანგი, E-133.
ფარმაკოლოგიური მოქმედება:
იბუპროფენი წარმოადგენს არასტეროიდულ ანთების საწინააღმდეგო საშუალებას, რომელიც ხასიათდება ტკივილგამაყუჩებელი და სიცხის დამწევი მოქმედებით.
პრეპარატის ფარმაკოლოგიური ეფექტი გამოწვეულია ფერმენტ ციკლოოქსიგენაზას კონკურენტული ინჰიბირებით, რომელიც თრგუნავს პროსტაგლანდინების (შეშუპების, ანთების და ტკივილის მედიატორები) სინთეზს, ამცირებს თრომბოციტების აგრეგაციას. ანთების საწინააღმდეგო მოქმედება დაკავშირებულია სისხლძარღვთა კედლების განვლადობის შემცირებასთან, მიკროცირკულაციის გაუმჯობესებასთან, უჯრედებიდან ანთების მედიატორების გამოთავისუფლების შემცირებასთან. ანთებითი პროცესის ინტენსივობის და ბრადიკინინების გამომუშავების შემცირება განაპირობებს ანალგეზურ მოქმედებას, ხოლო თერმორეგულაციური ცენტრის აგზნებადობის შემცირება იწვევს სიცხის დამწევ მოქმედებას.
ფარმაკოკინეტიკა: იბუპროფენი შეიწოვება კუჭ-ნაწლავის ტრაქტიდან (მიღებული დოზის დაახლოებით 80%). Cmax მიიღწევა 0,5-1სთ-ის შემდეგ. პლაზმის ცილებს უკავშირდება 99%. ბიოლოგიური აქტივობა უკავშირდება S-ენანტიომერებს. აბსორბციის შემდეგ ფარმაკოლოგიურად არააქტიური R-ფორმების დაახლოებით 60%^ თანდათან ტრანსფორმირდება აქტიურ S-ფორმებში. სწრაფად და სრულად გამოიყოფა ორგანიზმიდან 3 ძირითადი მეტაბოლიტის სახით (ძირითადად თირკმელებით, ნაწილობრივ – ნაღველთან ერთად).
ჩვენება: გამოიყენება კომპლექსურ თერაპიაში, როგორც დამხმარე საშუალება.
· თავის, კბილის ტკივილი;
· ალგოდისმენორეა (მტკივნეული მენსტრუაცია);
· ცხელებით მიმდინარე დაავადებები (კომბინირებულ თერაპიაში ჩართვის სახით);
· ყელ-ყურ-ცხვირის ინფექციურ-ანთებითი დაავადებები;
· ტკივილები პოსტტრავმულ პერიოდში (ართრალგია, მიალგია, ნევრალგია);
· სახსრებისა და კუნთების დაავადებები (სხვადასხვა გენეზის ოსტეოართრიტები, მათ შორის რევმატოიდული ართრიტი, ოსტეოართროზი, მაანკილოზებელი სპონდილიტი, ბურსიტი, ტენდენიტი, ტენდოვაგინიტი, რადიკულიტი, რბილი ქსოვილების და საყრდენ-მამოძრავებელი აპარატის ტრავმული ანთება).
უკუჩვენება:
· მომატებული მგრძნობელობა იბუპროფენისა და სხვა არასტეროიდული ანთების საწინააღმდეგო საშუალებებისადმი;
· კუჭისა და თორმეტგოჯა ნაწლავის წყლულოვანი დაავადება გამწვავების ფაზაში;
· ღვიძლის და თირკმელების ფუნქციის გამოხატული დარღვევები;
· ორსულობა და ლაქტაციის პერიოდი;
· 12 წლამდე ბავშვთა ასაკი.
უსაფრთხოების ზომები: ნეოფენი სიფრთხილით ინიშნება გულის ქრონიკული უკმარისობისას. მკურნალობის პროცესში აუცილებელია ღვიძლისა და თირკმელების, სისხლწარმოქმნის ფუნქციის კონტროლი.
გასტროპათიის სიმპტომების გამოვლენისას საჭიროა ეზოფაგოგასტროდუო-დენოსკოპიის ჩატარება, სისხლში ჰემოგლობინის დონის განსაზღვრა.
ნეოფენი სიფრთხილით ინიშნება:
· ჰიპერბილირუბინემიის;
· ღვიძლის ციროზის;
· კუჭისა და თორმეტგოჯა ნაწლავის წყლულოვანი დაავადების (ანამნეზში); გასტრიტის, კოლიტის, ენტეროკოლიტის;
· ფეხმძიმობის, ძუძუთი კვების დროს;
· 12 წლამდე ასაკის ბავშვებში.
მიღების წესი და დოზირება:
მიიღება პერორალურად, საკვების მიღების შემდეგ.
დოზა განისაზღვრება ინდივიდუალურად, დაავადების ნოზოლოგიური ფორმისა და კლინიკური სურათის მიხედვით
მოზრდილებში: ზომიერად გამოხატული ტკივილის სინდრომისას მიიღება 1 ტაბლეტი (0,2გ) 3-4-ჯერ დღეში. სწრაფი ეფექტის მისაღწევად დოზა შეიძლება გაიზარდოს 2 ტაბლეტამდე (0,4გ) 3-ჯერ დღეში, ხოლო სამკურნალო ეფექტის მიღების შემდეგ სადღეღამისო დოზას ამცირებენ 0,6-0,8გ-მდე.
რევმატოიდული ართრიტისას მიიღება 4 ტაბლეტი (0,8გ) 3-ჯერ დღე-ღამეში. რბილი ქსოვილების ტრავმისას, დაჭიმულობისას – 2 – 3 ტაბლეტი 4-ჯერ დღე-ღამეში, ალგოდისმენორეის (მტკივნეული მენსტრუაცია) დროს – 2 ტაბლეტი (0,4გ) 3-4-ჯერ დღე-ღამეში. ოსტეოართროზის, ფსორიაზული ართრიტის და მაანკილოზებელი სპონდილიტისას – 2-3 ტაბლეტი (0,4-0,6გ) 3-4-ჯერ დღე-ღამეში.
12 წელზე უფროსი ასაკის ბავშვებში: სადღეღამისო დოზაა 0,02გ/კგ, რამოდენიმე მიღებაზე გადანაწილებით. იუვენილური რევმატოიდული ართრიტისას – 0,03-0,04გ/კგ დღე-ღამეში, რამდენიმე მიღებაზე განაწილებით.
39,2ºC და უფრო მაღალი ტემპერატურის დასაწევად – 0,01გ/კგ დღე-ღამეში, 39,2ºC-ზე უფრო დაბალი ტემპერატურის დასაწევად – 0,005გ/კგ დღე-ღამეში.
ჭარბი დოზირება: დოზის გადაჭარბების სიმპტომებია თავბრუსხვევა, თავის ტკივილი, გონების დაკარგვა, გულისრევა, ღებინება, ტკივილი მუცლის არეში. შეიძლება განვითარდეს ჰიპოტენზია, სუნთქვის გაძნელება.
დოზის გადამეტების სიმპტომების გამოვლენისას აუცილებელია კუჭის ამორეცხვა, უნდა ჩატარდეს სიმპტომური მკურნალობა ექიმის დანიშნულების შესაბამისად.
გვერდითი მოვლენები:
ჩვეულებრივ, ნეოფენი კარგად გადაიტანება. მის ძირითად უპირატესობას ასპირინთან მიმართებაში შეადგენს შედარებით სუსტი გამაღიზიანებელი ზემოქმედების უნარი. თუმცა შესაძლებელია განვითარდეს:
საჭმლის მომნელებელი სისტემის მხრივ: დისკომფორტი ეპიგასტრიუმში, გულისრევა, დიარეა, იშვიათად – კუჭ-ნაწლავის ტრაქტის ეროზიულ-წყლულოვანი დაზიანების განვითარება, სისხლდენები საჭმლის მომნელებელი ტრაქტიდან.
ცნს-ის მხრივ: თავბრუსხვევა, თავის ტკივილი, ძილის დარღვევა.
დერმატოლოგიური რეაქციები: ალერგიული გამონაყარი კანზე.
ხანგრძლივი გამოყენებისას შესაძლებელია თირკმელების ფუნქციის დარღვევა. იშვიათად – ბრონქოსპაზმი.
გამოხატული გვერდითი მოვლენების დროს პრეპარატის დოზას ამცირებენ ან წყვეტენ მის მიღებას.
სხვა პრეპარატებთან ურთიერთქმედება:
პრეპარატი სიფრთხილით ინიშნება არაპირდაპირ კოაგულანტებთან და თიაზიდურ დიურეტიკებთან კომბინაციაში.
ანტიკოაგულანტებთან და გლუკოკორტიკოსტეროიდებთან ერთდროული მიღებისას იზრდება კუჭ-ნაწლავის ტრაქტიდან სისხლდენის განვითარების რისკი;
აცეტილსალიცილის მჟავასთან ერთად გამოყენება ამცირებს იბუპროფენის ეფექტურობას და ზრდის მის ტოქსიკურობას, რაც დაკავშირებულია იბუპროფენის ცილებთან კომპლექსნაერთების რღვევასთან და მის შემდგომ მეტაბოლიზმთან ტოქსიური ჰიდროქსილური ნაწარმების წარმოქმნით.
ნეოფენის სულფონილშარდოვანას ჯგუფის პერორალურ ანტიდიაბეტურ პრეპარატებთან ერთდროული მიღებისას ძლიერდება ამ უკანასკნელთა ჰიპოგლიკემიური ეფექტი.
ნეოფენი ამცირებს შარდმდენი და ანტიჰიპერტენზიული საშუალებების ეფექტს, კალიუმშემანარჩუნებელ დიურეტიკებთან ერთდროული გამოყენებისას შესაძლებელია ჰიპერკალიემიის განვითარება.
კოფეინი აძლიერებს ნეოფენის ანალგეზიურ ეფექტს.
იბუპროფენი ზრდის ეთანოლის ტოქსიურობას.
ალუბლის წვენი, შაქრის სიროფი ზრდის იბუპროფენის შეწოვის სიჩქარეს.
ორსულობისა და ლაქტაციის პერიოდი: ნეოფენის გამოყენება უკუნაჩვენებია ორსულობისა და ლაქტაციის პერიოდში. პრეპარატის გამოყენებისას ბავშვს უნდა შეუწყდეს დედის რძით კვება.
ზემოქმედება ავტომობილისა და სხვა ტექნიკის მართვაზე: პრეპარატის მიღების დროს საჭიროა სატრანსპორტო საშუალების მართვისა და ისეთი სამუშაოს შესრულებისაგან თავის შეკავება, რომელიც მოითხოვს ყურადღების კონცენტრირებას.
გამოშვების ფორმა:
N10 ტაბლეტი ბლისტერზე; 2 ბლისტერი მოთავსებულია მუყაოს კოლოფში ინსტრუქციასთან ერთად.
ვარგისიანობის ვადა: 3 წელი.
შენახვის პირობები: ინახება მშრალ, სინათლისაგან დაცულ და ბავშვებისთვის მიუწვდომელ ადგილზე, 15-25°C ტემპერატურის პირობებში.
გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.
მწარმოებელი: შპს “ნეოფარმი”.

საქართველო, თბილისი, დავით აღმაშენებლის ხეივანი მე-12 კმ.
ტელ/ფაქსი: + 995 (32) 259-64-46; 259-57-90.