გამოყენების ინსტრუქცია
ნეოქოლდი
NEOCOLD
კომბინირებული სამკურნალო საშუალება

კლინიკურ-ფარმაკოლოგიური ჯგუფი: პარაცეტამოლი კომბინაციაში სხვა პრეპარატებთან ერთად, გარდა ფსიქოლეპტიკებისა.
წამლის ფორმა: კაფსულები.
შემადგენლობა: პარაცეტამოლი – 0,25გ, ასკორბინის მჟავა – 0,025გ, კოფეინი -0,0125გ, მუკალტინი – 0,025გ, ალოეს მშრალი ექსტრაქტი – 0,015გ.
ფარმაკოლოგიური მოქმედება: ნეოქოლდი წარმოადგენს კომბინირებულ პრეპარატს, რომელსაც გააჩნია სიცხის დამწევი, ოფლის მომგვრელი, ამოსახველებელი, ანთების საწინააღმდეგო, სუსტი ტკივილგამაყუჩებელი მოქმედება. ხსნის სისუსტის და დაღლილობის შეგრძნებას.
პარაცეტამოლს ახასიათებს ტკივილგამაყუჩებელი, სიცხის დამწევი, სუსტი ანთების საწინააღმდეგო მოქმედება. მოქმედების მექანიზმი დაკავშირებულია ჰიპოთალამუსში, თერმორეგულაციის ცენტრში პროსტაგლანდინების სინთეზის დათრგუნვასთან.
ასკორბინის მჟავა ზრდის ორგანიზმის მდგრადობას ინფექციებისადმი, ავსებს ორგანიზმის მოთხოვნილებას C ვიტამინზე მწვავე რესპირატორულ-ვირუსული ინფექციების დროს.
მუკალტინი ათხიერებს ნახველს, ფარავს დაზიანებულ ლორწოვან გარსს თხელი ფენით, არბილებს და შლის მკვრივ, ანთებით ნადებებს (ყელის, ხორხის, ხმოვანი იოგების), აჩქარებს დაზიანებული ლორწოვანი გარსის რეგენერაციას, იცავს სასუნთქი გზების ნერვულ დაბოლოებებს გაღიზიანებისაგან.
ალოეს მშრალი ექსტრაქტი ხასიათდება ბაქტერიციდული, ანტივირუსული, ანთების საწინააღ­მდეგო, ანტიოქსიდანტური მოქმედებით, შეიცავს ბიოგენურ სტიმულატორებს.
კოფეინი ამცირებს დაღლილობის შეგრძნებას. თავის ტკივილის დროს აძლიერებს პარაცეტამოლის მოქმედებას. ინფექციური დაავადებებისას ახდენს ორგანიზმის სასიცოცხლო ძალების მობილიზებას.
ჩვენება: გამოიყენება კომპლექსურ თერაპიაში, როგორც დამხმარე საშუალება.
გრიპის, გაციების სიმპტომური მკურნალობა, რისთვისაც დამახასიათებელია ტემპერატურის მატება, ცემინება, მწვავე რინიტი, თავის, ყელის, კუნთების ტკივილი.
გვერდითი მოვლენები:
· რეკომენდებულ დოზებში გვერდითი მოვლენები არ აღინიშნება. ზოგიერთ შემთხვევაში შეიძლება განვითარდეს ალერგიული რეაქციები: კანზე გამონაყარის, ქავილის, კვინკეს შეშუპების სახით.
· იშვიათად – ჰემოპოეზური სისტემის მხრივ დარღვევები.
უკუჩვენება:
· მომატებული მგრძნობელობა პრეპარატში შემავალი კომპონენტების მიმართ. P
სიფრთხილე:
· არ არის მიზანშეწონილი პარაცეტამოლის შემცველ სხვა სამკურნალო საშუალებებთან ერთად პრეპარატის ერთდროული გამოყენება.
· პრეპარატის დანიშვნა არ არის რეკომენდებული ორსულობის და ლაქტაციის პერიოდში.
· ნეოქოლდით მკურნალობისას დაუშვებელია ალკოჰოლის მიღება, საძილე საშუალებების და ტრანკვილიზატორების დანიშვნა.
მიღების წესი და დოზირება: პრეპარატი მიიღება პერორალურად. მოზრდილებში და ბავშვებში 12 წლის ზემოთ: 2 კაფსულა 3-ჯერ დღეში. მაქსიმუმ 4-ჯერ დღე-ღამეში სამი დღის განმავლობაში. მიღებებს შორის ინტერვალი უნდა იყოს არანაკლებ 4 საათი.
ბავშვებში 2 წლის ასაკის ზევით დოზა დგინდება ინდივიდუალურად სხეულის წონის მიხედვით.
6-12 წლის ბავშვებში: 1-2 კაფსულა 3-ჯერ დღეში.
2-6 წლის ბავშვებში – 1/2 ან 1 კაფსულა 3-ჯერ დღეში;
მკურნალობის კურსი – 5-7 დღე.
პრეპარატი განსაკუთრებით ეფექტურია გრიპისა და გაციების პირველი სიმპტომების გამოვლენისთანავე მიღებისას.
ორსულობა და ლაქტაცია: პრეპარატი არ გამოიყენება ორსულობის პერიოდში.
ლაქტაციის პერიოდში გამოყენების აუცილებლობის შემთხვევაში, მკუნალობის პერიოდში ბავშვს უნდა შეუწყდეს დედის რძით კვება.
დოზის გადაჭარბება: დოზის გადაჭარბების შემთხვევაში 24 საათის განმავლობაში შეიძლება განვითარდეს კანის საფარველის სიფერმკრთალე, ანორექსია, გულისრევა, ღებინება.
ჭარბი დოზირების შემთხვევაში საჭიროა კუჭის ამორეცხვა, ადსორბენტის დანიშვნა, აცეტილცისტეინის და მეთიონინის შეყვანა.
პრეპარატის მაღალი დოზით და ხანგრძლივი პერიოდით გამოყენებისას მოსალოდნელია ღვიძლის და თირკმლების ფუნქციის დარღვევა, რისთვისაც აუცილებელია სისხლის სურათის შემოწმება.
ურთიერთქმედება სხვა პრეპარატებთან: აძლიერებს არაპირდაპირი ანტიკოაგულანტების (კუმარინის ნაწარმების) ეფექტს და ჰეპატოტოქსიური პრეპარატებით ღვიძლის დაზიანების ალბათობას. მეტოკლოპრამიდი ზრდის, ხოლო ქოლესტირამინი ამცირებს პრეპარატის შეწოვის ინტენსივობას. ბარბიტურატები ამცირებენ ,,ნეოქოლდი”-ს სიცხის დამწევ აქტივობას. სპირტი აჩქარებს პარაცეტამოლის შეწოვას.
შეფუთვა: 10 კაფსულა პვქ/ალუ ბლისტერში. 2 ბლისტერი მუყაოს კოლოფში.
აფთიაქიდან გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.
ვარგისიანობის ვადა: 2 წელი.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.
შენახვის პირობები: ინახება მშრალ, სინათლისაგან დაცულ ადგილზე, არა უმეტეს 25°C ტემპერატურის პირობებში.
მწარმოებელი: შ.პ.ს ,,ნეოფარმი”.

საქართველო, თბილისი, დ. აღმაშენებლის ხეივანი მე-12კმ.
ტელ/ფაქსი: +995 (32) 259-64-46; 259-57-90.